Michelle O Riordan
DIAS
Staraí is ea Michelle O Riordan: stair na hÉireann sa tréimhse 1300–1750 is mó atá mar ábhar taighde aici. Baintear leas, go príomha, sa taighde sin as ábhar sa Ghaeilge a cumadh le linn na tréimhse sin.
Tá leabhair, monagraif agus ailt foilsithe aici – i nGaeilge agus i mBéarla – le foilsitheoirí aithnidiúla agus in irisí acadúla piarmheasúnaithe. Orthusan tá trí leabhar ar ghnéithe stairiúla agus litríochta d'fhilíocht na scol agus d'amhráin an tseachtú haois déag: Poetics and Polemics: Reading seventeenth-century Irish political verse (Cork University Press, 2021), Irish Bardic Poetry: Rhetorical Reality (Cork University Press, 2007), The Gaelic Mind and the Collapse of the Gaelic World (Cork University Press, 1994). Pléann a leabhar, Múinidh dom Glao: Éifeacht mhothálach an ghairmigh ag filí na Gaeilge (Leabhar Breac, 2016), gnéithe d'úsáid agus d'éifeacht an tuisil ghairmigh i bhfilíocht na Gaeilge i gcaitheamh na n-aoiseanna.
Ollamh is ea Michelle O Riordan i Scoil an Léinn Cheiltigh, Institiúid Ard-Léinn Bhaile Átha Cliath.