Máistir-rang do mhic léinn iarchéime le Fionntán de Brún

Bhain an máistir-rang, faoi stiúir Fhionntáin de Brún, le traidisiún na fealsúnachta sa Ghaeilge, go háirithe san ochtú agus sa naoú haois déag. Ina dhiaidh sin thug an rang cuairt ar an leabharlann ARÉ, áit a bhfaca siad lámhscríbhinní cáiliúla ó bhailiúcháin an Acadaimh.

Dúirt Máire Ní Annracháin, Cathaoirleach an Choiste: "Ócáid shuntasach í, a léirigh leanúnachas na Gaeilge ó na meánaoiseanna go dtí an lá inniu. Tá buíochas ag dul don Ollamh Fionntán de Brún, do lucht leabharlainne an Acadaimh, agus do na mic léinn ar fad, a chuir spéis mhór san ábhar agus atá, is léir, thar a bheith tiomanta do léann na Gaeilge."